Өфө ҡалаһында "Йәш белгес – төҙөлөштөң киләсәге" тигән йәштәр форумы ойошторолдо. Сара Рәсәй Төҙөлөш министрлығының ярҙамы менән үткәрелә. Маҡсат – төҙөлөш тармағына яҡшы белгестәр әҙерләү. Ысынлап та, Башҡортостан, күләмле йәштәр форумы уҙғарылған 26-сы төбәк исемлегенә инде. Форумда юғары уҡыу йорттары студенттары, училище, колледж, техникумдан ҡыҙ һәм егеттәр, шулай уҡ мәктәп уҡыусылары ла ҡатнашты. Башҡортостан Хөкүмәте Премьер-министры урынбаҫары Рөстәм Ғәзизов әйтеүенсә, бөгөн йәштәргә төҙөлөш һөнәре буйынса бөтәһен дә белеү өсөн мөмкинлектәр ҙур. – Беҙ социаль әһәмиәткә эйә, шулай уҡ эре инфраструктура объекттары төҙөйбөҙ, – тине Рөстәм Фәрит улы. – 2023 йылдың аҙаҡтарында, әле тап ошо бинала сарала ултырабыҙ, вуз-ара кампусты файҙаланыуға тапшырҙыҡ. Былтыр иһә Көрәш һарайы, фехтование һәм ишкәкле слалом үҙәге кеүек ҙур спорт объектын төҙөп бөттөк. Йәштәр, быларҙың барыһы ла һеҙҙең өсөн төҙөлә. Һеҙ – буласаҡ төҙөүселәр, ошо данлы традицияларҙы дауам итерһегеҙ, тип ышанам. Рөстә