Баткен облусунда 1,5 жыл мурунку киши өлтүрүү иши ачылды. Айыпталуучу Ш.Р. аялга оор жаракат келтирип, кылмышты жашыруу үчүн анын телефонунан кат жазган. Окуя боюнча экспертиза дайындалды.
🔍 Баткен облусунда бир жарым жыл мурун жасалган киши өлтүрүү иши ачылды.
📅 2023-жылдын сентябрында Раззаков шаарынан 1986-жылы туулган А.Б. аттуу аял жоголуп кетип, анын жакындары милицияга кайрылган.
👮♂️ Тергөөнүн жүрүшүндө 1992-жылы туулган Ш.Р. аттуу жаран шектүү катары кармалды. Ал аял менен жаңжал учурунда оор жаракат келтирип, кылмыштын изин жашыруу үчүн анын телефонун колдонуп, чет өлкөдө жүргөнүн айтып, туугандары менен байланышып турган.
🕵️♂️ Шектүү курмандыктын сөөгү көмүлгөн жерди көрсөтүп, тергөө иш-чараларынын жүрүшүндө бир айылдын четинде адамдын калдыктары табылды.
🔬 Тиешелүү экспертизалар дайындалды. Мындан тышкары, шектүү Баткен облусунда жашы жете элек кызга карата адепсиз аракеттерди жасаганы үчүн да шектелүүдө. Бул боюнча да кылмыш иши козголду.
⚖️ Шектүү убактылуу кармоочу жайга киргизилип, сот аны камакка алуу чечимин чыгарды.