2025-жылдын 1-февралына карата "балага сүйүнчү" бир жолку төлөмү 14 346 балага 57 млн 522 миң сом өлчөмүндө берилген. Үч эмдерге 150 000 сом төлөнгөн. Төлөмдү алуу үчүн 6 ай ичинде арыз берүү керек.
🍼 Кыргызстанда 2025-жылдын 1-февралына карата “балага сүйүнчү” бир жолку төлөмү 14 346 балага 57 млн 522 миң сом өлчөмүндө төлөндү. Үч эмге 150 000 сом берилген.
👶 Өткөн жылдын ушул мезгилине салыштырмалуу, 2024-жылы 14 835 балага 59 млн 477 миң сом төлөнгөн.
📊 Ар бир төрөлгөн бала үчүн “балага сүйүнчү” бир жолку төлөмү 4000 сомду түзөт, ал эми үч же андан көп бала бир убакта төрөлсө, ар бирине 50 миң сом төлөнөт.
📝 “Балага сүйүнчү” төлөмүн алуу үчүн жарандар калкты тейлөө борборлоруна же жарандык абалдын актыларын каттоо органдарына кайрылышы керек. Төлөм алуу үчүн арызды баланын төрөлгөн күнүнөн тартып алты айдын ичинде тапшыруу зарыл.
💳 Арыз тапшырылгандан кийин эки иш күндүн ичинде каражат банктагы транзиттик эсепке которулат. Жарандар каражатты РСК жана Айыл банктарынын каалаган филиалынан алты айдын ичинде алууга тийиш.
📝 Төлөмдү алуу үчүн керектүү документтер: жеке паспорт жана баланын туулгандыгы тууралуу күбөлүк.
📱 Арыз толтурууда туура мобилдик телефон номерин көрсөтүү зарыл, анткени акча которулгандан кийин банк аркылуу СМС-билдирүү жөнөтүлөт.
📞 Суроолор боюнча байланыш номери: 0312 312 502.