Նորատուս գյուղի հացատներից մեկի տանիքը կիսով չափ այրվել է․ ՓԾ

Գեղարքունիքի մարզի Նորատուս գյուղի հացատներից մեկի տանիքում հրդեհ է բռնկվել, հայտնել է ՆԳՆ Փրկարար ծառայությունը։

Ըստ գերատեսչության՝ դեպքը տեղի է ունեցել փետրվարի 20-ին՝ ժամը 02։26-ի սահմաններում՝Արտյոմ Խաչատրյան փողոցի տներից մեկին կից հացատանը (մոտ 150 քմ)։ Այրվել է շինության տանիքից մոտ 60 քմ հատված, նշված է հայտարարության մեջ։

Փրկարար ծառայությունը նշել է, որ հրդեհը մեկուսացվել է ժամը 03։22-ին, մարվել՝ 04։20-ին։

Նորություններին հետևեք մեր կայքում, ինչպես նաև Telegram-ում և YouTube-ում