Билим берүү жана илим министрлигинде инклюзивдик билим берүүнү өнүктүрүү маселелери боюнча тегерек стол өттү. Кадрларды даярдоо жана квалификациясын жогорулатуу, биргелешкен билим берүү программаларын иштеп чыгуу талкууланды.
🌍 Бишкекте инклюзивдик билим берүүнү өнүктүрүү маселелери талкууланды.
🗣️ Иш-чарага Кыргыз Республикасынын билим берүү жана илим министрлигинин орун басары Расул Абазбек уулу, Австралиядан келген STLI долбоорунун жетекчиси А. Ходдинотт, ЮНИСЕФтин өкүлдөрү жана логопеддер менен дефектологдорду даярдаган жогорку окуу жайлардын өкүлдөрү катышты.
👩🏫 Инклюзивдик билим берүү тармагында иштеген кадрларды, атап айтканда, сурдопедагогика, дефектология жана логопедия боюнча адистерди даярдоо маселелери негизги талкуу темасы болду.
📚 Катышуучулар кадрларды даярдоо жана квалификациясын жогорулатуу, инклюзивдик билим берүүнүн жеткиликтүүлүгүн жана сапатын жогорулатууга багытталган биргелешкен билим берүү программаларын иштеп чыгуу, методикалык колдоо көрсөтүү жана өзгөчө билим берүү муктаждыктары бар балдар үчүн шарттарды түзүү зарылдыгын белгилешти.
📅 Инклюзивдик билим берүү маселеси Кыргыз Республикасынын Билим берүү жана илим министрлигинин 2025-жылга карата планына киргизилген.
🤝 Иш-чаранын жыйынтыгы билим берүү уюмдарынын ортосундагы кызматташтык планын талкуулоо жана инклюзивдик билим берүү боюнча адистерди даярдоо үчүн комплекстүү иш-чаралар планын иштеп чыгуу демилгеси болду.