Марракеште (Марокко) өткөн Жол коопсуздугу боюнча Төртүнчү глобалдык конференцияда Кыргызстанды ички иштер министринин орун басары Октябрь Урмамбетов жетектеген делегация өкүлдөрү катышты. Конференцияда жол коопсуздугун жакшыртуу боюнча эл аралык кызматташтыкты талкуулоо жана иш-чараларды пландоо максатында дүйнөнүн 193 өлкөсүнөн 2,5 миң делегат чогулду.
🚗 Марракеш шаарында (Марокко) жол коопсуздугу боюнча Төртүнчү глобалдык конференция өтүп жатат. Бул иш-чарада БУУнун Башкы Ассамблеясы тарабынан жарыяланган 2011–2030-жылдар аралыгындагы жол коопсуздугу боюнча экинчи Декаданын ортолук жыйынтыктары чыгарылууда.
🌍 Конференциянын уюштуруучулары Марокко Королдугу жана Дүйнөлүк саламаттыкты сактоо уюму. Бул иш-чара ар кайсы өлкөлөрдүн өкүлдөрүнө тажрыйба алмашууга, жетишкендиктерди жана көйгөйлөрдү талкуулоого, ошондой эле жол коопсуздугун жогорулатуу боюнча кийинки кадамдарды аныктоого мүмкүнчүлүк берет.
👥 Конференцияга 193 өлкөдөн 2,5 миңдей делегат катышууда, алардын ичинде мамлекеттик органдардын, эл аралык уюмдардын, жарандык коомдун, илимий коомчулуктун жана массалык маалымат каражаттарынын өкүлдөрү бар.
🤝 Кыргызстандын ИИМ делегациясын ички иштер министринин орун басары Октябрь Урмамбетов жетектеп, анын курамына Кыргыз Республикасынын ИИМдин жол коопсуздугун камсыздоо башкы башкармалыгынын өкүлдөрү кирет.
🗣️ Конференция учурунда Кыргызстандын өкүлдөрү эл аралык өнөктөштөр менен бир катар жолугушууларды өткөрүштү. Марокконун транспорт жана логистика министри Абдессамад Кайух жана Азербайжандын ички иштер министринин орун басары Октай Аскер оглу Керимов менен жол коопсуздугу жаатындагы кызматташтык маселелери талкууланды.
📈 Кыргызстан глобалдык туруктуу өнүгүү максаттарына жетүү милдеттенмесин алган. 2023–2027-жылдарга жол коопсуздугу боюнча Улуттук стратегия кабыл алынып, анын алкагында жол коопсуздугун башкаруу системасы жакшыртылып, инфраструктура модернизацияланууда, жол эрежелерин бузуу алдын алуу жана жол кырсыктарына натыйжалуу чара көрүү боюнча аракеттер көрүлүүдө.