Евразия экономикалык биримдигинин бажы аймагынан акиташ ташын экспорттоого убактылуу тыюу салынды. Бул чечимдин максаты - "Жалпак-Таш" кениндеги табигый ресурстарды рационалдуу пайдалануу жана сырьенун жетишсиздигине жол бербөө.
🛑 Евразия экономикалык биримдигинин бажы аймагынан чегинен сырткары, белгилүү бир убакытка чейин, иштетилбеген же орой майдаланган, блокторго же тик бурчтук, чарчы формасындагы плиталарга бөлүнгөн акиташ-ракушечниктин чыгарылышына тыюу салынды.
📜 Бул чечимди министрлер кабинетинин төрагасы Адылбек Касымалиев кол койду.
🌍 Постановлениенин максаты — калыбына келтирилбеген жаратылыш ресурстарын акылга сыярлык пайдалануу жана «Жалпак-Таш» уникалдуу кениндеги акиташ-ракушечник табигый ташынын критикалык жетишсиздигине жол бербөө.
📩 Экономика жана соода министрлигине чечим күчүнө кирген күндөн тартып үч күндүн ичинде Дүйнөлүк соода уюмун жана Евразия экономикалык комиссиясын убактылуу тыюу салуу жөнүндө белгиленген тартипте кабарлоо тапшырылды.
🌐 Тышкы иштер министрлигине Көзкарандысыз Мамлекеттер Шериктештигинин Аткаруу комитетине убактылуу тыюу салуу жөнүндө белгиленген тартипте кабарлоо тапшырылды.