Кыргызстандын Франциядагы элчиси Садык Шер-Нияз менен Франциянын ТИМинин саясий департаментинин директору Брис Рокфельд жолугушуп, саясий, экономикалык жана маданий-гуманитардык тармактардагы кызматташууну талкуулашты. Экономикалык кызматташтыкты бекемдөө, энергетика жана туризм долбоорлоруна көңүл бурулду. Кыргызстандын министрлеринин Парижге визиттери, француз инвестицияларын тартуу жана маданий алмашуулар боюнча макулдашылды. Францияда кыргызстандыктарды сезондук иштерге орноштуруу маселеси да каралды.
🇫🇷 Кыргызстандын Франциядагы элчиси Садык Шер-Нияз Франциянын Европа жана тышкы иштер министрлигинин саясий департаментинин директору Брис Рокфел менен жолугушту. Жолугушууда эки тараптуу кызматташуунун актуалдуу маселелери талкууланып, саясий, экономикалык жана маданий-гуманитардык чөйрөлөрдө кызматташууну тереңдетүүнүн маанилүүлүгү белгиленди.
💡 Экономикалык кызматташууну бекемдөө, атап айтканда энергетика, жаңылануучу энергия булактары жана туризм тармагындагы долбоорлорго өзгөчө көңүл бурулду.
🔋 Кыргызстан эки тараптуу байланыштарды активдештирүүгө кызыкдар экенин билдирип, быйыл жогорку деңгээлдеги визиттерди уюштуруу аркылуу саясий диалогду кеңейтүүгө үмүт артарын айтты.
🌍 Франциянын тышкы соода министринин Бишкекке май айындагы иш сапары жана кыргыз-француз бизнес форумунун өткөрүлүшү жөнүндө макулдашууга жетишилди.
🏗️ Франциядан инвестиция тартуу, анын ичинде «Камбар-Ата-1» ГЭСин куруу жана «Үч чоку» лыжа курортун өнүктүрүү сыяктуу ири долбоорлорду ишке ашыруу маселелери талкууланды.
👥 Эл аралык уюмдарда кызматташууну бекемдөө жана шайлоо органдарында өз ара колдоо көрсөтүү боюнча даярдыктарын тастыкташты.
🎨 Кыргызстандын жарандарынын Францияда сезондук иштерге орношуу маселеси каралып, маданий кызматташтыкка өзгөчө басым жасалды. Францияда эл аралык маданий иш-чаралар, анын ичинде «Cinema Heritage» кинофестивалы жана жаңы «Patrimoine Musical» классикалык музыка фестивалы өткөрүлөрү тууралуу маалымат берилди.
🤝 Кыргыз-француз кызматташуусун бекемдөө боюнча ачык диалогду улантууга жана биргелешип иштөөгө даяр экендиктерин тастыкташты.