Безнең көннәрдә экстремизмны, террорчылыкны һәм халык арасында таралган мошенниклыкны кисәтү һәм аңа каршы тору эше зур әһәмияткә ия. Татар Макылы китапханәсе мөдире Мәдинә Хисамова укучылар өчен «Ничек теракт корбаны булмаска» дигән мәгълүмат сәгате үткәрде. Катнашучылар террорчылыкка каршы куркынычсызлык кагыйдәләрен искә төшерделәр һәм тоткынлыкка алу очрагында үз-үзеңне тоту кагыйдәләре белән таныштылар, телефон терроризмы дигән төшенчә белән таныштылар, мисаллар китерделәр. Очрашу азагында барлык катнашучыларга ашыгыч телефоннар белән мәгълүмат булган белешмәләр таратылды.