65 йыл бергә ғүмер иткән күркәм пар Бишбүләк районынына эш сәфәребеҙ мәлендә балалыҡ осоро һуғыш йылдарына тура килгән Люциә һәм Тимербулат Мырҙахановтар менән танышыу форсаты тейҙе. Бөйөк Еңеүҙең 80 йыллығын ҡаршылаған йылда улар менән күрешеү айырыуса иҫтәлекле булды. Ошо райондың Аҙнай ауылында тыуып, ғүмер буйы йәнтөйәктәренә хеҙмәт итеп йәшәй улар. - Беҙ - класташтар. Түбәнге остан Үрге осҡа килен булып төштөм, - ти Люциә Шәмсетдин ҡыҙы. Икеһенең дә атайҙары Бөйөк Ватан һуғышында һәләк була. Шуға атайһыҙ үҫеүҙең ҡыйынлыҡтарын да татый улар. - Һуғыш йылдарында мәктәптән сығабыҙ ҙа Өйәҙе йылғаһы буйына утынға талға китә торғайныҡ. Ул тал күпкә етмәй, сей, янмай интектерә торғайны, - тип хәтерләне 86 йәшлек Тимербулат Әхмәткирәй улы. Өҫкә кейергә кейем, ашарға ризыҡ наҡыҫ булһа ла, рухи яҡтан көслө булыуҙарын да хәтергә алды оло быуын. “Ауылда клуб һәр ваҡыт асыҡ булды, өлкәнерәктәр эстә, беҙ ялан аяҡ ҡапҡа төбөндә таҡмаҡ әйтеп бейей инек”, - тип иҫләнеләр. - Апайым Боголюбовка ауыл