Москвадагы «Сахарово» борборунда 75 кыргызстандык убактылуу кармалып турат. Кыргызстандын элчилиги алар менен жолугуп, консулдук-укуктук жардам көрсөттү. Жарандардан шарттар боюнча нааразычылыктар түшкөн жок.
🇰🇬 Москвадагы “Сахарово” борборунда 75 кыргызстандык жаран убактылуу кармалууда.
🤝 2025-жылдын 18-февралында Кыргызстандын Россиядагы элчилиги жана Эмгек, социалдык камсыздоо жана миграция министрлигинин өкүлдөрү борборго барып, мекеменин жетекчилиги менен жолугушту. Жолугушууда кыргызстандыктардын укуктарын жана мыйзамдуу кызыкчылыктарын коргоо, мекенине убагында кайтаруу жана элчилик менен мындан аркы кызматташтык маселелери талкууланды.
🗣️ Борбордо кармалып жаткан кыргызстандык жарандарга консулдук-укуктук консультация берилип, алардын кызыктырган суроолоруна жооптор алынды.
🔍 Жарандардан борбордогу шарттар жана укук бузуулар боюнча эч кандай нааразычылыктар түшкөн жок.
📊 Борбордо 75 кыргызстандык жаран кармалып жатат, алардын ичинен 7си аялдар.