Тынлы музыка беҙҙе берҙәмлеккә әйҙәй Тынлы оркестрҙарҙың моңо ҙур көскә эйә. Уны тыңлаған саҡта арҡа турайып, бер башҡа үҫеп киткәндәй булаһың. Тағы ла тынлы музыка рух күтәренкелеге бирә. Махсус хәрби операция иғлан ителеп, халыҡтың илһөйәрлек һәм берҙәмлек рухын нығытыу ихтыяжы барлыҡҡа килгәс, тынлы оркестрҙарҙың әһәмиәте лә арта төштө. Башҡортостандың атҡаҙанған сәнғәт эшмәкәре, профессор, "Йәшлек" тынлы оркестры етәксеһе Фәнзир Ниғмәтйәнов әйтеүенсә, тынлы уйын ҡоралдары бик борон барлыҡҡа килгән һәм һәр береһе айырым мәғәнәгә эйә. Мәҫәлән, флейта кеүек ағастан яһалған ҡоралдар киң ҡырҙарҙы, иркенлекте һәм матур маҡсатҡа ынтылышты һынландыра, ә еҙҙән эшләнгәндәре берҙәмлеккә әйҙәй һәм ғорурлыҡ тойғоһо уята. - Махсус хәрби операция башланғас, Башҡортостандың тынлы ҡоралдарҙа уйнаусы музыканттары дөйөм тулҡынға ҡушылды. Йылайыр районында йәшәгән борғосо Алексей Пряхин - "Ватанға тоғро", Ғәзиз Әлмөхәмәтов исемендәге Республика интернат-гимназияһының тромбон класы уҡытыусыһы Валерий С