Аҡъяр үҙәк район дауаханаһы тәүлек әйләнәһенә электрокардиография (ЭКГ) һәм артериаль баҫымды мониторлау комплексы менән тәьмин ителде. Был Рәсәй Президенты Владимир Путиндың май указдарына ярашлы барлыҡҡа килгән “Оҙайлы һәм әүҙем ғүмер” милли проекты (национальный проект “Продолжительная и активная жизнь”) бурыстарын тормошҡа ашырыу һөҙөмтәһендә мөмкин булды. Комплекс сирле кешенең хәлен тәүлек әйләнәһенә күҙәтеү мөмкинлеген бирә. Ул электрокардиограмманы, артериаль баҫымды, тын алыу функцияларын, ҡандағы кислород кимәлен теркәй. Башҡортостандың Һаулыҡ һаҡлау министрлығынан хәбәр итеүҙәренсә, был комплекс ярҙамында йөрәк ритмы боҙолошон, ҡан әйләнеше менән бәйле проблемаларҙы һәм башҡа үҙгәрештәрҙе асыҡларға була. Был иһә аныҡ диагноз ҡуйыу һәм дауалауҙың дөрөҫ ысулын табыу өсөн мөһим. “Оҙайлы һәм әүҙем тормош” милли проектының (национальный проект “Продолжительная и активная жизнь”) “Һаулыҡ һаҡлауҙың беренсел звеноһын заманлаштырыу” программаһы буйынса тәү сиратта ярҙам сараларын ғүм