Бишкек, 18.02.25. /Кабар/. КРнын Өзгөчө кырдаалдар министрлиги 17-февралдан тартып өлкөдөгү бардык ооруканалардын өрт коопсуздугун текшерүүнү күчөттү. Эрежелер бузулган учурда 23 миң сом айып салынат.
🔥 Кыргыз Республикасынын Өзгөчө кырдаалдар министрлиги 17-февралдан тартып өлкөдөгү бардык оорукана мекемелеринде өрт коопсуздугунун эрежелеринин сакталышын күчөтүлгөн тартипте текшерүүнү баштады.
📝 Текшерүүлөрдүн негизинде эрежелердин бузулуштарын жоюу боюнча жазуу түрүндө эскертүүлөр берилет.
⏳ Бузулуштарды оңдоо үчүн үч күндөн отуз күнгө чейин убакыт берилет.
💰 Эгерде көзөмөлдөө текшерүүлөрүнүн жыйынтыгы боюнча эскертүүлөр аткарылбаса, 23 миң сом өлчөмүндө административдик айып пул салынат.
🕯️ 11-февралда Бишкектеги НИИКХда чыккан өрттөн эки бала каза болгон.