“МолоТ” Рәсәйҙә эшләүсе йәштәр өсөн тәүге күләмле йәмәғәт проект буласаҡ

Сарала йәмәғәт эшмәкәрҙәре һәм РФ субъекттарының Волга буйы федераль округында урынлашҡан эре предприятиелары етәкселеге вәкилдәре ҡатнашты. Ултырыш барышында Волга буйы федераль округында, шул иҫәптән округ йәмәғәт проекттары сиктәрендә йәштәр сәйәсәтен артабан тормошҡа ашырыу пландары тикшерелде. Игорь Комаров билдәләүенсә, был эшмәкәрлек Рәсәй Президенты Владимир Путин ҡуйған бурыстарҙы хәл итеүгә йүнәлтелгән: “Волга буйы федераль округы биләмәһендә тормошҡа ашырылған йәмәғәт проекттары 2030 йылға тиклемге осорға һәм 2036 йылға тиклемге перспективаға – һәр кешенең потенциалын тормошҡа ашырыуға, уның һәләттәрен үҫтереүгә, патриотик һәм социаль яуаплы шәхес тәрбиәләүгә – Рәсәйҙең милли үҫеш маҡсатына тап килә”. Волга буйында 13 йәмәғәт проекты тормошҡа ашырыла. Улар балаларҙы һәм йәштәрҙе үҫтереү өсөн стимул булдыра, социаль мәсьәләләрҙе хәл итергә ярҙам итә. “2025 йылдың төп яңылығы – эшләүсе йәштәр өсөн “МолоТ” яңы йәмәғәт проекты. Проект реаль сектор предприятиелары командаларын берләштерәсәк. Улар иһә йәштәр араһында популяр спорт дисциплиналарында һәм интеллектуаль конкурстарҙа ярышасаҡ. Быйыл округ финалы Пермь крайында үтәсәк, сөнки Пермь Рәсәйҙең йәштәр баш ҡалаһы булып тора. Бындай проект кәрәк тип иҫәпләйбеҙ: матди стимулдарҙан тыш, йәмәғәтселекте таныу ҙа, шәхси үҫеш мотивацияһы ла кәрәк”, – тине Игорь Комаров. Тулы хоҡуҡлы вәкил был проекттың Рәсәйҙә эшләүсе йәштәр өсөн тәүге күләмле йәмәғәт проекты буласағына айырыуса иғтибар йүнәлтте. Һис шикһеҙ, бөтә округ йәмәғәт проекттарында Бөйөк Ватан һуғышында еңеүҙең 80 йыллығы һәм Ватанды һаҡлаусылар йылы сағылдырыласаҡ. Фото: