Бишкекте "Тартуга" эс алуу борборунун ээси муниципалдык жерге мыйзамсыз курулуштар үчүн 100 миң сом айыпка жыгылды. Жерди текшерүү учурунда уруксатсыз курулган имараттар аныкталды. Ээсине айып салынгандан кийин ал үч объектти өз ыктыяры менен бузду.
🏢 Бишкекте “Тартуга” эс алуу борборунун ээси муниципалдык жерге мыйзамсыз курулуштар үчүн 100 миң сомго айыпка жыгылды.
🔍 Бишкек мэриясы маалымдагандай, Жер пайдалануу боюнча көзөмөл башкармалыгы, Биринчи Май райондук администрациясы, ДУМИ жана “Бишкекглавархитектура” менен биргеликте муниципалдык жер тилкесинин чектерин текшерүү үчүн комиссиялык сапар уюштурушкан.
🔨 Текшерүү учурунда муниципалдык жерге уруксат берүүчү документтери жок курулган турак эмес жайлар аныкталды.
📄 “Тартуга” борборунун ээсине Кыргыз Республикасынын укук бузуулар жөнүндө кодексинин 149-статьясы боюнча административдик протокол түзүлүп, 100 миң сомдук айып салынды.
🏗 Түшүндүрүү иштери жүргүзүлгөндөн кийин, борбордун ээси өз ыктыяры менен эки капиталдык курулушту жана бир жеңил типтеги дүкөндү бузуп салды.
📢 Мэрия жерди мыйзамсыз пайдаланууга каршы күрөштү уланта берерин жана жарандарды жер пайдалануу чөйрөсүндөгү мыйзамдарды сактоого чакырат.