Кыргыз Республикасынын Тышкы иштер министри Жээнбек Кулубаев Түркмөнстандын тышкы иштер министри Рашид Мередов менен эки тараптуу саясий консультациялар өткөрүп, соода-экономикалык, инвестициялык жана энергетикалык кызматташтыкты талкуулашты. Жыйынтыгында 2025-2026-жылдарга кызматташуу программасына кол коюлду.
🌍 Кыргызстандын тышкы иштер министри Жээнбек Кулубаев жана Түркмөнстандын министрлер кабинетинин төрагасынын орун басары, тышкы иштер министри Рашид Мередов Бишкекте эки тараптуу кыргыз-түркмөн саясий консультацияларын өткөрүштү.
🤝 Жолугушуу учурунда министрлер соода-экономикалык, инвестициялык, транспорт-логистикалык жана энергетикалык тармактардагы кыргыз-түркмөн кызматташтыгынын актуалдуу маселелерин талкуулашты.
📅 Министрлер алдыдагы жогорку деңгээлдеги эки тараптуу иш-чараларды уюштуруу жана өткөрүү маселелерине өзгөчө көңүл бурушту.
📜 Жыйынтыгында Кыргызстандын жана Түркмөнстандын тышкы иштер министрликтери ортосунда 2025-2026-жылдарга кызматташуу программасына кол коюлду.