АКШнын Борбордук жана Түштүк Азия боюнча мамлекеттик катчысынын жардамчысынын орун басары менен жолугушууда кыргыз-америкалык кызматташтыкты өнүктүрүү жана саясий диалогду бекемдөө маселелери талкууланды.
🇰🇬 Кыргызстандын АКШдагы элчиси Айбек Молдогазиев жана Чикагодогу башкы консул Болотбек Борбиев менен АКШнын Борбордук жана Түштүк Азия боюнча мамлекеттик катчысынын жардамчысынын орун басары Жон Поммершаймдын жолугушуусу болуп өттү.
🤝 Жолугушууда Жон Поммершайм элчи Молдогазиевди АКШдагы дипломатиялык миссиясынын башталышы менен куттуктап, жооптуу ишинде ийгиликтерди каалады.
🗣️ Эки тарап Кыргызстандын жана АКШнын ортосундагы эки тараптуу жана көп тараптуу кызматташтыкты талкуулашты. Саясий диалогду бекемдөө, санкциялар боюнча кызматташуу жана долбоордук программалык ишмердүүлүк маселелерине өзгөчө көңүл бурулду.
🌐 Жаңы АКШнын миграциялык саясаты боюнча пикир алмашуу болду. Элчи Молдогазиев АКШнын жаңы администрациясынын негизги багыттары боюнча кызматташууну активдештирүүгө даяр экендигин белгиледи.
📈 Жолугушуунун жыйынтыгында тараптар конструктивдүү диалогду улантууга жана кыргыз-америкалык кызматташууну өнүктүрүү пландарын белгилөөгө өз ара даяр экендигин ырасташты.