Италияда сицилиялык мафияга каршы ири операцияда 180ден ашуун киши камакка алынды. "Коза ностра"нын структурасын калыбына келтирүү аракеттери токтотулду. Аресттерде мафия лидерлери да бар.
🇮🇹 Италиянын полициясы акыркы жылдардагы эң ири операциясын сицилиялык мафиялык кландарына каршы өткөрдү. Операциянын негизги максаты – “Коза ностра” уюмунун “Купол” аттуу жетекчилик түзүмүн калыбына келтирүү аракеттерин токтотуу.
🚓 Шейшемби күнү таң эрте башталган рейддерге 1200 сицилиялык карабинерлер, Палермодогу кылмыштуулукка каршы бөлүмдүн кызматкерлери, иттерди үйрөтүүчүлөр, тик учак эскадрильясы жана Италиянын башка аскердик бөлүктөрүнүн өкүлдөрү катышты.
👮♂️ Италиянын коргоо министри Гвидо Крозетто операциянын жүрүшүндө 180ден ашуун адам, анын ичинде “Коза ностранын” көрүнүктүү лидерлери камакка алынганын билдирди.
🔍 Бардык камакка алынгандар мафиялык типтеги кылмыштуу топко катышуу, киши өлтүрүүгө аракет жасоо, опузалоо, мыйзамсыз баңгизат жүгүртүү, курал колдонуу менен кылмыш жасоого түрткү берүү жана мыйзамсыз кумар оюндарын уюштуруу боюнча шектелүүдө.
⚖️ Карабинерлер корпусунун билдирүүсүндө Италиядагы мафияга каршы күрөш “Коза ностранын” кеңири маалымат берүүчүлөр тармагынын болушу менен татаалдашып жатканы айтылат. Бул маалымат берүүчүлөр мафияга рейддердин так убактысын жана ордун алдын ала эскертип турушат.
🔒 Арестке алынгандардын арасында акыркы убакта эркиндикке чыккан мафиянын бир нече башчылары бар. Алардын бири Томмасо Ло Прести, ал 12 жыл түрмөдө отуруп, 2023-жылы бошотулган.
🕵️♂️ Полициянын акыркы иликтөөсү көрсөткөндөй, түрмөдө отурган мафия лидерлери да шифрленген билдирүүлөр аркылуу өз кландарына натыйжалуу жетекчилик кылууну улантууда. Бул билдирүүлөрдү кармоо үчүн полиция мафиянын түзмөктөрүнө жана үйлөрүнө атайын программаларды орноткон.
🔑 Бирок, полиция билдирүүлөрдү толук чечмелей элек. La Repubblica басылмасынын маалыматына караганда, учурда эки кишинин лакап аттары гана чечмеленген. Алар “Роберт де Ниро” жана “Человек-паук” деген ат менен белгилүү жана полиция алардын өздүгүн аныктоого аракет кылууда.
🔍 Технологиялык өнүгүүлөр менен мафиялык түзүмдөрдү башкаруу ыкмалары өзгөрүп, мафиялар жеке жолугушууларды сейрек өткөрүп жаткандыктан, эркиндикте аресттерди жүргүзүү кыйын болуп калды.