Энергетика министри Таалайбек Ибраев "Кыргызкомур" ГПга тоо-кен иштерин жөнгө салуу үчүн 10 жаңы атайын техника берди. Жабдуулар 36 780 600 сомго сатып алынган.
🔧 Кыргызстандын энергетика министри Таалайбек Ибраев бүгүн “Кыргызкомур” мамлекеттик ишканасына тоо-кен иштерин жөнгө салуу үчүн 10 даана жаңы атайын техника тапшырды.
💰 Жаңы жабдуулар “Кыргызкомур” ишканасынын өздүк каражаттарынын эсебинен сатып алынып, жалпы суммасы 36 780 600 сомду түздү.
🚜 Техниканын курамына 2 даана жүктөгүч, 1 даана дөңгөлөктүү экскаватор, 1 даана КамАЗ вахтовкасы, 2 даана чаң басуучу машина жана 4 даана кызматтык жеңил унаа кирет.
📈 Таалайбек Ибраев жаңы технологиялар көмүр тармагынын ишин натыйжалуураак кылууга жардам берерин баса белгилеп, техниканы жоопкерчилик менен пайдаланууга чакырды.