– Социаль өлкәлә ярҙам һорап мөрәжәғәт итеүсе эшҡыуарҙар һаны артҡан икән, тимәк, ғәмәлдәге саралар һөҙөмтәле эшләй һәм социаль эшҡыуарлыҡты үҫтереүгә булышлыҡ итә. Әлеге ваҡытта республикала 600-ҙән ашыу социаль предприятие теркәлгән, был күрһәткес буйынса Башҡортостан Рәсәй буйынса икенсе урында килә, – тине Башҡортостандың эшҡыуарлыҡ һәм туризм министры Зөһрә Гордиенко. Үҙәк инновацион социаль йүнәлешле проекттарҙы оҙатыу буйынса ярҙам итә. 2024 йылда социаль бизнес менән шөғөлләнергә теләгән эшҡыуарҙар һәм физик берәмектәр Социаль предприятиелар реестрында теркәлеү, ғәмәлдәге льготалар һәм саралар тураһында мәғлүмәт һорап йыш мөрәжәғәт иткән. Социаль страховкалау үҙәге 178 комплекслы һәм махсуслаштырылған хеҙмәт күрһәткән, 100-гә яҡын социаль эшҡыуарға ярҙам иткән. Программала ҡатнашыусылар үҙҙәре хаҡында республика гәзиттәрендә бушлай мәҡәләләр баҫтырған, телетапшырыуҙарҙа ҡатнашҡан, шулай уҡ радиостанцияларҙа реклама роликтары һәм үҙҙәренең эшмәкәрлеге тураһында подкастар сығарға