Алдан хәбәр итеүебеҙсә, 5 – 8 февралдә Беларусь Республикаһында Башҡортостан делегацияһы эшләне. Унда берлектәге проекттар, сәнәғәт кооперацияһын киңәйтеү мәсьәләләре хаҡында киң фекер алышыу булды. Башҡортостан Башлығы Радий Хәбиров Беларусь Республикаһы Президенты А.Г. Лукашенко һәм Премьер-министр Р.А. Головченко менән осрашты. Эшлекле сәфәр ике аралағы стратегик хеҙмәттәшлекте көсәйтте, иҡтисадта, сәнәғәттә, ауыл хужалығында, гуманитар өлкәлә яңы үҫеш мөмкинлектәре билдәләнде. Башҡортостан Бойондороҡһоҙ Дәүләттәр Берләшмәһе илдәре менән тышҡы иҡтисади мөнәсәбәттәрҙе эҙмә-эҙлекле нығыта бара. Республика Башлығы Радий Хәбировтың Александр Лукашенко тарафынан юғары кимәлдә ҡабул ителеүе ике яҡ бәйләнештең мөһимлеге, стратегик характерҙа булыуы, оҙайлы ваҡытҡа иҫәпләнгәне хаҡында һөйләй. Был хеҙмәттәшлекте иҡтисад белгестәре лә, мәҫәлән, Рәсәй Хөкүмәте ҡарамағындағы Финанс университетының Өфө филиалындағы финанс һәм кредит кафедраһы доценты Азамат Барлыбаев юғары баһалай. – Башҡортоста