Республикабыҙ Башлығы Радий Хәбиров Башҡортостан менән Беларусь хеҙмәттәшлеге сиктәрендә тормошҡа ашырылған проекттар хаҡында һөйләне.
✔Башҡорт-беларусь мөнәсәбәттәренең һуңғы бер нисә йылына күҙ һалһаҡ, беҙ мөмкинлектәрҙе өйрәнгән, бәйләнештәрҙе яйға һалған, эште ойоштороу өсөн кәрәкле институттар һәм структуралар булдырған башланғыс этапты үттек, тип әйтергә була.
✔Осрашыуҙарҙа хеҙмәттәшлекте үҫтереү буйынса төп мәсьәләләрҙе тикшерҙек. Нимәлер тураһында килешкәнбеҙ, унда ҡуйылған бурыстарҙы үтәргә тейешбеҙ. Мәҫәлән, Беларустың еңел сәнәғәт тауарҙары өсөн республика баҙарын асыу йүнәлешендә эшләйбеҙ.
✔Кооперация өлөшөндә ҙур предприятиеларыбыҙ буйынса эштәрҙең нисек барыуын ҡараныҡ. Мәҫәлән, МАЗ һәм Өфө троллейбус-трамвай заводының троллейбустар сығарыу буйынса берлектәге проекты.
✔Туризм өлкәһенә ентекләп туҡталдыҡ. Беҙҙең өлкән йәштәгеләр «Башҡорт-беларусь оҙон ғүмерлелеге» программаһы сиктәрендә Беларусь Республикаһына сәйәхәт итә. Хәҙер Беларусь Хөкүмәтенә лә ошондай уҡ программа ойошторорға тәҡдим иттек.
✔Бынан тыш, спорт өлкәһендәге проекттар ентекле тикшерелде. Яңы Көрәш һарайы майҙансығында көрәштең ҡайһы бер төрҙәре буйынса үҫмерҙәр өсөн ҙур турнир ойошторорға килештек.
✔Көн һайын яңы проекттар, яңы идеялар барлыҡҡа килә. Бер-беребеҙгә ҡулайлашыу осоронан һуң беҙҙең бизнес Беларуста эшләү мөмкинлегенә ышанды. Бында беҙҙекеләрҙе бюрократик проблемаларһыҙ ҡаршы алалар, беҙҙә лә шул уҡ хәл – был мәсьәләне хәл иттек.
✔Бөйөк Еңеүҙең 80 йыллығын билдәләү сиктәрендә байрам сараларына Беларусь Республикаһы вәкилдәрен саҡырабыҙ. Ә беҙ «Беларусь хәтерләй» сараһында ҡатнаша алабыҙ. Был беҙҙең уртаҡ Еңеү, бында беҙ берҙәм. Юбилей саралары сиктәрендә Хәрби Дан урындары буйлап мәктәп турҙары ойоштора башларға ниәтләйбеҙ.
✔Беҙгә төҙөлөш, коммуналь һәм ауыл хужалығы тармаҡтары өсөн Беларусь техникаһын һатып алыу буйынса отошло варианттар тәҡдим иттеләр. Сәфәрҙән һуң коллегаларыма яңы тәҡдимде анализларға ҡушам. Тормош туҡтап ҡалмай. Уңышты йыйып алырға, юлдарҙы һәм тротуарҙарҙы таҙартырға кәрәк.
Һүрәттәрҙә: Башҡортостан делегацияһының Беларусь Республикаһына сәфәренән күренештәр.