Был комплекс тәүлек дауамында йөрәк торошон күҙәтергә ярҙам итә. Ул электрокардиограмманы, ҡан баҫымын, тын алыу функцияларын, ҡандағы кислород кимәлен теркәй. Бындай тикшереү табипҡа ғәҙәти ЭКГ-ға ҡарағанда йөрәк эше тураһында күберәк мәғлүмәт бирә. Был ҡорамалдар ярҙамында йөрәк ритмы боҙолоуын, ҡан әйләнеше проблемаларын һәм башҡа мөһим үҙгәрештәрҙе асыҡларға мөмкин, улар стандарт тикшереүҙә һиҙелмәй ҡалырға мөмкин. Хәҙер үҙәк дауахана табиптарында диагнозды аныҡ билдәләү һәм дөрөҫ һәм һөҙөмтәле дауалауҙы һайлау күпкә еңелерәк буласаҡ. Хәтерегеҙгә төшөрәбеҙ, былтыр Аҡъяр медицина учреждениеһына кешенең ҡанында гемоглобинды һанлы билдәләү өсөн прибор килде. Бындай анализ диабеттың төрлө формаларын диагностикалауҙа һәм дауалауҙа мөһим инструмент булып тора. Тикшереү ҡанда глюкоза ҡушылған гемоглобин процентын үлсәй һәм һуңғы 2-3 айҙа ҡандағы уртаса шәкәр кимәлен сағылдыра. «Оҙайлы һәм әүҙем тормош» (нацпроект “Продолжительная и активная жизнь”) милли проектының төп маҡсаты— граждандарҙың оҙон ғүмерлелегенең яңы күрһәткестәренә өлгәшеү. 2030 йылға көтөлгән ғүмер оҙайлығын 78 йәшкә тиклем, ә 2036 йылға 81 йәшкә тиклем арттырыу планлаштырыла. Милли проект ярҙамында медицина учреждениелары яңыртыла, реабилитация системаһы камиллаштырыла, милли тикшеренеү үҙәктәре селтәре үҫешә, һаулыҡ һаҡлауҙы һанлаштырыу буйынса эш алып барыла. Яңыртылған милли проекттар РФ Президенты Владимир Путин ҡарары буйынса 2025 йылдан тормошҡа ашырыла.