6 февралдә республика етәксеһе Радий Хәбиров етәкселегендәге Башҡортостан делегацияһы рәсми сәфәр менән Беларусь Республикаһына килде. Сәфәрҙең маҡсаты – иҡтисадтың төрлө тармаҡтарында Башҡортостан һәм Беларусь власть органдары һәм бизнесы араһында үҙ-ара эш итеүҙе үҫтереү, сәнәғәт кооперацияһын, мәҙәни-гуманитар һәм туристик алмашыуҙы киңәйтеү. – Беларусь – беҙҙең төп тышҡы иҡтисади партнерыбыҙ. Был республика – уның Президенты Александр Григорьевич Лукашенко, идара итеү командаһы, халыҡ менән иң яҡшы мөнәсәбәттәр барлыҡҡа килде. Күп нәмә бергәләп килеп сыға. Был – үҙ-ара тауар әйләнеше, сәнәғәт, ауыл хужалығы өлкәһендә беҙгә бик етди компетенциялар биргән кооперация бәйләнештәре, – тип билдәләне Радий Хәбиров журналистар менән аралашҡанда. – Тышҡы иҡтисади эшмәкәрлектең һөҙөмтәлелеге бәйләнештәрҙең даимилығы менән дә билдәләнә. Шуға күрә беҙ Беларусь Республикаһына сираттағы тапҡыр килдек. Беҙҙә сәфәрҙең программаһы сараларға бай. Ил етәкселеге менән осрашырға, хеҙмәттәшлек итергә те