Մերձավանի ղեկավարի տան ուղղությամբ զինված հարձակման հետևանքով կա զոհ և վիրավոր․ ԶԼՄ

Փետրվարի 5-ի գիշերը զինված հարձակում է տեղի ունեցել Փարաքար խոշորացված համայնքի Մերձավան բնակավայրի վարչական ղեկավար Մհեր Ախտոյանի տան ուղղությամբ, ինչի հետևանքով կա զոհ և վիրավոր, գրել է «Հայկական ժամանակ»-ը։

ՆԳՆ-ից կայքին հաստատել են տեղեկությունը։

Լուրը կայքին հաստատել է նաև Ախտոյանի եղբայրը՝ Դավիթ Ախտոյանը: Վերջինս հայտնել է, որ «զոհվածն իրենց հորաքրոջ որդին է, վիրավորը՝ ընկերը»: Ըստ Ախտոյանի՝ «վերջիններս փորձել են միջամտել, որ չմտնեն տուն»:

Նորություններին հետևեք մեր կայքում, ինչպես նաև Telegram-ում և YouTube-ում