Бөгөн Башҡортостан Башлығы Радий Хәбиров уҙғарған аҙналыҡ оператив кәңәшмәлә 2024 йылда туризм инфраструктураһын үҫтереү йомғаҡтары тикшерелде һәм 2025 йылға бурыстар билдәләнде. Эшҡыуарлыҡ һәм туризм министры Зөһрә Гордиенко “Туризм һәм ҡунаҡсыллыҡ индустрияһы” милли проекты сиктәрендә Башҡортостандың туристик тармағы - 3,7 миллиард һум, шул иҫәптән 1,4 миллиард һум федераль аҡса алыуын хәбәр итте. Дәүләт ярҙамы күрһәтелгән иң күп проекттар Өфөлә, Белорет, Нуриман, Бөрйән, Баймаҡ, Ҡариҙел һәм Әбйәлил райондарында бойомға ашырылған. – Туризм инфраструктураһын үҫтереүгә үҙ аҡсаһын ҡунаҡханалар, тау саңғыһы трассалары төҙөүгә, турлокациялар әҙерләүгә һалған эшҡыуарҙар үҙҙәре ныҡ йоғонто яһаны, - тип һыҙыҡ өҫтөнә алды Зөһрә Гордиенко. - Әлбиттә, дәүләт ярҙамы туризм өлкәһендәге проекттарға этәргес бирә, уларҙың 60 проценты - яңы бизнес-башланғыстар. 2024 йыл йомғаҡтары буйынса, глэмпингтар һаны 120-гә еткән, шул иҫәптән 101-е йыл әйләнәһенә эшләй, яңы ҡунаҡханалар асылған. Һөҙөмтәлә респу