“Заман талаптары шарттарында фән һәм мәғарифтың көнүҙәк проблемалары” тип аталған сарала Рәсәй Федерацияһы Мәғариф министрлығы, юғары уҡыу йорттары етәкселәре, Рәсәй менән Ҡырғыҙстандың ғилми йәмәғәтселеге вәкилдәре ҡатнашты. Резолюцияла әйтелеүенсә, конференцияның маҡсаты – ике илдең глобаль талаптар шарттарындағы социаль-иҡтисади үҫеше һәм хеҙмәттәшлегенән сығып, һөнәри педагогик мөхиттә йоғонтоло проекттар эҙләү, фән һәм мәғарифты үҫтереүҙең көнүҙәк мәсьәләләре буйынса фекер алышыу. Сығыш яһаусылар билдәләүенсә, социаль-мәҙәни күсәгилешлелек кимәлен һаҡлап ҡалырға һәм Рәсәй мәғарифының иң яҡшы ғәмәлдәрен асыҡларға һәм халыҡ-ара хеҙмәттәшлектә таратырға кәрәк. Конференция тамамланғас, унда ҡатнашҡан ректорҙар журналистарҙың һорауҙарына яуап бирҙе. “Конференцияла рус теле мәсьәләһе ҡуҙғатылдымы? Ғөмүмән, Ҡырғыҙстанда рус теле яҡлауға мохтажмы?” – был һорауға К. Тыныстанов исемендәге Ысыҡкүл дәүләт университеты ректоры Асҡарбәк Иманбаев былай тип яуап бирҙе: “Рәсәй граждандарына шуны ә