Кыргызстандык режиссер Руслан Акундун «Бейиш - эненин таманында» тасмасы Малайзияда биринчи жолу кеңири прокатка чыгууда. Куала-Лумпурдагы кайрымдуулук көрсөтүүдө чогулган каражаттар аутизм менен жабыркаган балдарды колдоого багытталат.
🎬 Кыргыз режиссеру Руслан Акун тарабынан тартылган «Бейиш – эненин таманында» тасмасынын расмий прокатка чыгышынын алдында Куала-Лумпурда кайрымдуулук көрсөтүү уюштурулду.
🌟 Кайрымдуулук көрсөтүү Малайзиянын Улуттук аутизм коому (NASOM) жана Кыргызстандын Малайзиядагы элчилиги тарабынан уюштурулду.
👥 Көрсөтүүгө 150дөн ашуун адам, анын ичинде Малайзияда жашаган мекендештер, дипломатиялык корпустун мүчөлөрү, ЖМК өкүлдөрү жана кино сынчылары катышты.
👍 Фильм көптөгөн оң пикирлерди алды.
💰 Иш-чара учурунда чогултулган каражаттар аутизм менен жабыркаган балдар жана чоңдорду колдоого багытталат.
📅 «Бейиш – эненин таманында» тасмасы Малайзиянын кинотеатрларында 2025-жылдын 13-февралынан баштап көрсөтүлөт, бул Кыргыз тасмасынын Түштүк-Чыгыш Азияда биринчи жолу кеңири прокатка чыгышы болуп саналат.