Бишкекте "ЭлКат" компаниясынын негиздөөчүлөрү кармалды. Мамлекеттик үлүштү мыйзамсыз менчикке өткөрүү боюнча кылмыш иши иликтенүүдө. Коррупциялык аракеттерден улам мамлекет ири зыян тарткан.
🔍 Бишкек шаарында “ЭлКат” ЖЧКсынын негиздөөчүлөрү кармалды. Бул компания өлкөнүн ири интернет провайдерлеринин бири болуп эсептелет.
🕵️♂️ 1994-жылы “ЭлКат” мамлекеттик-жеке ишканасы түзүлгөн, анын 51% Кыргыз Республикасынын Президентинин иш башкармалыгына, ал эми 49% “Компьютердик технологиялар борбору” ЖЧКсына таандык болгон.
🔄 1998-жылы “ЭлКат” ЖЧКсынын негиздөөчүлөрү өзгөрүп, “Айкол-5” ЖЧКсы кирген. Бул компаниянын негиздөөчүлөрү жана Президенттин иш башкармалыгынын айрым кызматкерлери мыйзамсыз түрдө “ЭлКат” ЖЧКсынын 100% үлүшүн ээлеп алуу үчүн кылмыштуу сүйлөшүүгө барышкан.
⚖️ 2006-2007-жылдары бул адамдар кызмат абалдарын жана коррупциялык байланыштарын колдонуп, мыйзамсыз сот чечимдерин чыгартууга жетишишкен. Натыйжада, Президенттин иш башкармалыгы “ЭлКат” ЖЧКсынын катышуучуларынын катарынан чыгарылып, компенсация төлөнгөн эмес.
💸 Бул кылмыштуу аракеттердин натыйжасында мамлекет телекоммуникация тармагында стратегиялык мааниге ээ болгон “ЭлКат” ЖЧКсындагы үлүшүн жоготуп, ири өлчөмдө зыян тарткан.
🔍 Учурда мамлекеттин кызыкчылыгына келтирилген зыяндын так суммасын аныктоо боюнча тергөө-оперативдик иш-чаралар жүргүзүлүүдө.
⚖️ Коррупция боюнча айыптоо Президенттин иш башкармалыгынын мурдагы кызматкерлерине жана “Айкол-5” ЖЧКсынын негиздөөчүлөрүнө коюлуп, алар соттун чечими менен камакка алынган.