Кара-Суу районунда окуучунун өлүмүнөн кийин билим берүү бөлүмүнүн башчысы жана мектеп директору кызматтан алынды. 9 жана 11-класстын окуучуларынын ортосундагы чыр-чатактан кийин 9-класстын окуучусу каза болду. Укук коргоо органдары тиешелүү чараларды көрүштү.
📰 Кара-Суу районунун билим берүү бөлүмүнүн жетекчиси жана окуучу каза болгон орто мектептин директору кызматтарынан бошотулду.
⚠️ 12-февралда Кара-Суу районунун Каратай айылындагы №39 орто мектепте 9-класстын окуучусу Адилет Турдубаев менен 11-класстын окуучуларынын ортосунда чыр чыгып, натыйжада Адилет Турдубаев жаракат алып, Ош облустук ооруканасына жеткирилгенден кийин каза болду.
📋 Кара-Суу райондук администрациясынын буйругу менен райондук билим берүү бөлүмүнүн башчысы Акбермет Толтоева жана мектептин директору Нурланбек Калмурзаев кызматтарынан бошотулду.
👥 Мындан тышкары, мектептин окуу-тарбия иштери боюнча директордун орун басары Улпатхан Жунусалиева, тарбия иштери боюнча уюштуруучу Гульсунай Кулболдиева, социалдык педагог Анаркан Шайымкулова, 11-класстын класс жетекчиси Жыпар Жакыпова жана 9 «А» класстын класс жетекчиси Нуржан Баитова да кызматтарынан четтетилди.
🔄 Мектептин убактылуу директору болуп математика мугалими Мисрат Оморалиева дайындалды.