Башҡортостан Республикаһы Хөкүмәте Премьер-министры Андрей Назаров төбәк Төҙөүселәр ассоциацияһы ағзаларының дөйөм йыйылышында ҡатнашты. Осрашыуҙа 2024 йылға йомғаҡ яһалды һәм 2025 йылға пландар билдәләнде. Министрҙар кабинеты башлығы билдәләүенсә, торлаҡ төҙөлөшө уҙған йыл йомғаҡтары буйынса ыңғай динамика менән билдәләнә. Республика алдынғы ун төбәк исемлегендә тора. Торлаҡты сафҡа индереү күләме 3 миллион 348 мең метрҙан ашҡан. Ул былтырғы кимәлдән юғарыраҡ. Шәхси торлаҡ төҙөлөшөнә 70 процент тура килә. Дөйөм алғанда уның өлөшөндә - 2,34 миллион квадрат метр, күп фатирлы йорттар өлөшөнә 1,01 миллион квадрат метр тура килә. Башҡортостан шулай уҡ күп фатирлы йорттар төҙөү буйынса тормошҡа ашырылған проекттар һаны буйынса өс лидер иҫәбенә ингән. 2030 йылға тиклем адреслы программа сиктәрендә авария хәлендәге торлаҡтан күсереү дауам итәсәк, тип билдәләне Андрей Назаров. Башҡортостандың төҙөлөш һәм архитектура министры вазифаһын башҡарыусы Артем Ковшов 2024 йылдағы төҙөлөш комплексы йомғ