Кыргызстандын саламаттыкты сактоо министри Алымкадыр Бейшеналиев Эбботтун делегациясы менен жолугуп, кардиохирургияга инновациялык технологияларды киргизүү, анын ичинде механикалык жүрөктү имплантациялоо маселесин талкуулады. Өлкөдө жүрөк-кан тамыр ооруларын дарылоону бир топ жакшырта турган адистер даярдалып, алгачкы операция жасалаары күтүлүүдө.
❤️ Кыргызстанда жүрөк-кан тамыр ооруларын дарылоодо инновациялык технологияларды киргизүү пландалууда.
🩺 Саламаттыкты сактоо министри Алымкадыр Бейшеналиев Эбботтун делегациясы менен жолугуп, жүрөктүн оор оорусу бар бейтаптар үчүн HeartMate 3 механикалык сол карынчасын колдонуунун келечегин талкуулады.
💡 HeartMate 3 – бул жүрөккө канды айдап, органга жүктөлгөн жүктү азайтып, бейтаптарга активдүү жашоо өткөрүүгө жардам берген жогорку технологиялык аппарат.
📚 Эббот менен кызматташуунун алкагында LVAD имплантация технологиясын ишке ашыруу үч этапта ишке ашат: Кыргызстанда адистерди даярдоо, Москвада тереңдетилген окутуу жана өлкөдөгү биринчи операция.
🔍 Эбботтун делегациясы жакынкы күндөрү жергиликтүү адистер менен жолугуп, операцияларга керектүү жабдыктар менен таанышат.
💰 Аппараттын баасы 100 миң доллардын тегерегинде, операцияны каржылоо маселеси талкууда.
🚀 Мындай операцияларды жасоо Кыргызстанда жогорку технологиялык медицинаны өнүктүрүүдө, жүрөк оорусунан жабыркаган бейтаптардын жашоо сапатын жакшыртууда олуттуу кадам болот.