Toshkent sh. 27.01.2025 y.
TTB fakulteti tyutorlari hamda talabalari 27-yanvar kuni O‘zbekiston Respublikasining Birinchi Prezidenti Islom Karimov nomidagi ilmiy-ma’rifiy yodgorlik majmuasida bo‘lishdi.
Tashrifdan maqsad etib O‘zbekiston Respublikasi Birinchi Prezidentining xotirasini, uning mustaqillikni qo‘lga kiritishga, davlatchilikni qurishga qo‘shgan ulkan hissasini va tarixiy rolini, zamonaviy O‘zbekistonning asoschisi, yaratuvchisi va me’mori, mustaqillik yillarida O‘zbekiston yutuqlarining ijodkori, jahon hamjamiyatida mamlakatning obro‘-e’tibori mustahkamlanishi asoschisi sifatida Islom Karimovning hayoti va faoliyatini, uning shaxsiy va axloqiy fazilatlarini o‘rganish, talaba yoshlarni mustaqil O‘zbekistonning dastlabki qadamlardan boshlab va keyingi yillardagi rivojlanishi tarixi bilan tanishtirish, yosh avlodni tarixiy va siyosiy madaniyat, vatanparvarlik va o‘z Vatani uchun mas’uliyatni his etish ruhida tarbiyalash olindi.
