Йәнтөйәге өсөн йәнен аямаған егеттәр - халҡының ныҡлы таяуы. Тап ошондай көслө заттарҙа сағыла илебеҙҙең ҡеүәте. Махсус хәрби операцияла күрһәткән батырлығы өсөн “Хәрби отличие өсөн” миҙалы менән наградланған, ошо көндәрҙә ялға ҡайтҡан Бишбүләк районының “Судан” позывнойлы егете – яҡындарының, яҡташтарының ғорурлығы. Әйткәндәй, уның олатаһы ла Бөйөк Ватан һуғышында ҡатнашҡан. Ҡартатаһының миҙалдарын ул үҙендә ҡәҙерле ҡомартҡы итеп һаҡлай. Тап ошонан, ғаиләнән башлана илһөйәрлек тойғоһо. Мәктәптә лә патриотизмды тәрбиәләү көслө була. Мәктәптә, колледжда уҡыған сағында хәрби-ялан сборҙарына барырға ярата. Ваҡыты еткәс “Судан” армияға юллана. Һалдат хеҙмәтен Бүрәтстандың Улан-Удэ ҡалаһында үтә. – Армияла булыу егет кеше өсөн файҙаға ғына. Хәрби хеҙмәт яуаплылыҡ тойғоһон тәрбиәләй, сыныҡтыра. Үҙең өсөн генә түгел, дуҫтарың, хеҙмәттәштәрең өсөн дә яуап бирергә өйрәнәһең, – ти Бишбүләк яугире. Хәрби юлды юҡҡа һайламай ул. Быны күңел ҡушыуы буйынса башҡара. Махсус хәрби операцияға ла ко