Башҡортостан Республикаһының урман фонды биләмәһендә 2025 йылға янғын хәүефе миҙгеле башланғансы “Урман һағы” урман янғындары видеомониторингы системаһының 10 өҫтәмә камераһы ғәмәлгә индерелә. Был – “Экологик именлек” милли проектының (национальный проект “Экологическое благополучие”) “Урмандарҙы һаҡлау” федераль проекты менән ҡуйылған бурыстарҙы хәл итеү юлында мөһим аҙым. Белорет районында - өс, Ейәнсура районында - ике, Баймаҡ, Йылайыр, Күгәрсен һәм Хәйбулла райондарында берешәр камера ҡуйыласаҡ. Йәғни, статистика буйынса янғындар күберәк булған Урал аръяғы райондарында. Бер камера Благовещен районында ҡуйыла. – Был антропоген йөкләнешле күп халыҡлы район. Уҙған йылдар тәжрибәһенән күренеүенсә, тәүге янғындарҙың береһе тап ошонда ҡоро үлән һәм сүп-сар яндырыу һөҙөмтәһендә сыға. Уттың урман фондына күсеүенә юл ҡуймау һәм янғындарға тиҙ арала иғтибар итеү өсөн видеокамера кәрәк, тип ҡарар иттек, - тип һөйләне урманды һаҡлау бүлеге начальнигы Руслан Хәбибуллин. 360 градус күҙәтә алған