Йәш белгестәргә 750 мең һум бирәләр

Башҡортостан Республикаһының Ауыл хужалығы министрлығында дәүләт ярҙамы алыуға конкурста ҡатнашырға теләгән йәш белгестәрҙән документтар ҡабул итә башлаясаҡтар. Ул ауыл хужалығы ойошмаларының йәш белгестәренә 750 мең һум аҡсаны бүлеүҙе күҙ уңында тотоп, агросәнәғәт комплексының кадрҙар потенциалына булышлыҡ итеү буйынса республика программаһы сиктәрендә күрһәтеләсәк. – Ағымдағы йылдан "Аҙыҡ-түлек хәүефһеҙлеген технологик тәьмин итеү" яңы милли проекты (национальный проект «Технологическое обеспечение продовольственной безопасности») старт ала, уның башланғыстарының береһе – "Агросәнәғәт комплексында кадрҙар”. Уның маҡсаты – 2030 йылға агросәнәғәт комплексы предприятиеларын 95 процентҡа тиклем кадрҙар менән тәьмин итеү. Бының өсөн тармаҡты йәш белгестәр өсөн ҡыҙыҡлыраҡ итергә һәм заман талаптарына ярашлы юғары әҙерлек кимәлен тәьмин итергә кәрәк, – тине Башҡортостандың Хөкүмәте Премьер-министры урынбаҫары – ауыл хужалығы министры Илшат Фәзрахманов. Дәүләт ярҙамы алыуға конкурста ҡатнашыусылар ауыл ерендә урынлашҡан Башҡортостандың агросәнәғәт комплексы ойошмаларына эшкә урынлашырға тейеш. Ғариза һәм һайлап алыуҙа ҡатнашыу өсөн кәрәкле документтар 2025 йылдың 22 ғинуарынан 7 февраленә тиклем БР Ауыл хужалығы министрлығының ғилми-белем биреү учреждениелары менән үҙ-ара эш итеү бүлегендә (Өфө ҡалаһы, Пушкин урамы, 106-сы йорт, 306-се бүлмә, 9.00 сәғәттән 18.00 сәғәткә тиклем, тәнәфес 13.00 сәғәттән 14.00 сәғәткә тиклем). Бөтә кәрәкле мәғлүмәтте һәм документ өлгөләрен һылтанма буйынса күсереп алырға мөмкин. Белешмәләр өсөн телефондар: 8 (347) 218-05-40, 218-05-44. Белешмә: Башҡортостан Республикаһының агросәнәғәт комплексының кадрҙар потенциалына булышлыҡ итеү программаһы сиктәрендә дәүләт ярҙамы алыуға дәғүә итеүсе йәш белгес түбәндәге талаптарға тап килергә тейеш: - 35 йәштән өлкән түгел; - әҙерлек, һөнәр һәм квалификация йүнәлештәре буйынса юғары белем йәки урта һөнәри белем алыу; - бакалаврҙар әҙерләү йүнәлештәре буйынса: агрономия, агрохимия һәм агротупраҡ ғилеме, баҡсасылыҡ, һыу биоресурстары һәм аквакультура, зоотехния, ауыл хужалығы тауарын етештереү һәм эшкәртеү технологияһы, үҫемлек сеймалынан аҙыҡ-түлек, хайуандарҙан алынған аҙыҡ-түлек продукттары, агроинженерия, транспорт-технологик машиналарҙы һәм комплекстарҙы эксплуатациялау, иҡтисад, юриспруденция; магистрҙар әҙерләү йүнәлештәре буйынса: агрономия, үҫемлек сеймалынан аҙыҡ-түлек, хайуандарҙан алынған аҙыҡ-түлек, агроинженерия, зоотехния, иҡтисад, юриспруденция; - агрономия, ауыл хужалығын электрлаштырыу һәм автоматлаштырыу, зоотехния, ветеринария, ауыл хужалығын механизациялау, автомобилдәр һәм автомобиль хужалығы, бухгалтер иҫәбе, анализ һәм аудит, предприятиела иҡтисад һәм идара итеү, юриспруденция һөнәрҙәре буйынса; - әҙерлек йүнәлешенә, һөнәренә һәм квалификацияһына ярашлы төҙөлгән хеҙмәт килешеүе булыуы; - йәш белгестең агросәнәғәт комплексын ойоштороуҙа алты айҙан кәм булмаған өҙлөкһөҙ хеҙмәт стажы булыуы; Рәсәй Федерацияһы Ҡораллы Көстәре сафында хеҙмәт иткән (хәрби бурысы булғандар өсөн), шулай уҡ хәрби хеҙмәттән азат ителеү тураһында белешмә; – үҙ өҫтөнә агросәнәғәт комплексы ойошмаһында кәм тигәндә өс йыл эшләргә йөкләмә алған; - йәш белгес быға тиклем Указға ярашлы дәүләт ярҙамы алмаған булырға тейеш. Фото: pravitelstvorb.ru.