Башҡортостанда етештерелгән импортты алмаштырыусы сәнәғәт продукцияһы күләме уҙған йыл йомғаҡтары буйынса, 2023 йыл кимәленән ике тапҡырға артып, 380 миллиард һумға етте. Был хаҡта бөгөн Хөкүмәттең аҙналыҡ кәңәшмәһендә Башҡортостан Хөкүмәте Премьер-министры урынбаҫары – сәнәғәт, энергетика һәм инновациялар министры Александр Шельдяев хәбәр итте. Производствоны үҫтереүҙең бындай динамикаһына төбәктең индустриаль кластерҙарын үҫтереү буйынса әүҙем сәйәсәт һөҙөмтәһендә өлгәшкәндәр. 2022 йылдан Башҡортостанда төрлө йүнәлештәге 23 сәнәғәт кластеры булдырылған. Улар илдең төрлө төбәктәренән 288 предприятиены берләштерә. Ғәмәлдәге кластерҙарҙың дөйөм һаны буйынса республика илдә алдынғы урындарҙы биләй. Рәсәйҙә барлығы 85 индустриаль кластер үҫешә. – Республика һәм башҡа төбәктәр предприятиеларының кооперацияһы Башҡортостанда импортты алмаштырыусы продукция сығарыуҙы арттырыу мөмкинлеген бирҙе, – тине Александр Шельдяев. – 2024 йылда бындай производстволарҙың дөйөм һаны, 50 процентҡа артып,