12 января 2025 ВОСКРЕСЕНИЕ. Молитвы, которые следует читать в этот день
Православный календарь
Неделя 29-я по Пятидесятнице, по Рождестве Христовом
Поста нет. Глас 4-й
Попразднство Рождества Христова
Правв. Иосифа Обручника, Давида царя и Иакова, брата Господня по плоти, Мц. Анисии Солунской (285–305), сщмч. Зотика Сиропитателя, пресвитера (IV), свт. Макария, митрополита Московского (1563), Ап. от 70-ти Тимона, епископа Бострийского (I), мч. Филетера Никомидийского (311), прп. Феодоры Кесарийской (VIII), прп. Феодоры Константинопольской (940), Мц. Марии Даниловой (1946)
Наш канал на Телеграмм "Тропинка к Храму" https://t.me/TropinkakXramu
Помолимся Рождеству Христову
Тропарь, глас 4
Рождество Твое, Христе Боже наш,/ возсия мирови свет разума,/ в нем бо звездам служащии,/ звездою учахуся,/ Тебе кланятися Солнцу Правды,/ и Тебе ведети с высоты Востока: // Господи, слава Тебе.
Кондак, глас 3
Дева днесь Пресущественнаго раждает,/ и земля вертеп Неприступному приносит,/ Ангели с пастырьми славословят,/ волсви же со звездою путешествуют:/ нас бо ради родися// Отроча Младо, Превечный Бог.
Молитвы Воскресные этого дня
Тропарь, глас 4
Светлую воскресения проповедь/ от Ангела уведеша Господни ученицы/ и прадеднее осуждение отвергша,/ апостолом хвалящася глаголаху:/ испровержеся смерть,/ воскресе Христос Бог,// даруяй мирови велию милость.
Кондак, глас 4
Спас и Избавитель мой/ из гроба, яко Бог,/ воскреси от уз земнородныя,/ и врата адова сокруши,// и яко Владыка воскресе тридневен.
День памяти Святителю Макарию, митрополиту Московскому и всея Руси
Тропарь, глас 4
Яко великим пастырем единонравна/ и учителем вселенныя единомысленна,/ Божия Премудрости служителя изрядна,/ иже блаженству тезоимениту,/ днесь, вернии, вси воспоим:/ Христа Бога моли, святителю Макарие,// умирити мир и спасти души наша.
Кондак, глас 3
Богомудрым учением и книжным списанием/ потщался еси, святителю Макарие,/ люди российския просветити,/ и святых земли нашея прославити./ Сего ради чуден пронаречеся,/ преемниче первопрестольников российских,// моли сохранитися нам в вере и благочестии невредимо.
Молитва
О великий святителю, Церкве Российския первопрестольниче, града Москвы пастырю и учителю, отче наш Макарие блаженне, добре подвиг жития твоего совершивый и дерзновение у Господа стяжавый! К тебе во умилении сердец наших припадаем и усердно молим: буди о нас теплый предстатель у Престола Вседержителева и умоли Всеблагаго Бога: да не презрит нас, во многая и лютыя грехи впадших, но дарует нам вся благая и потребная, яже ко спасению. Вемы бо, яко немощни есмы, но молим тя усердно, святителю Божий, предстательством твоим сохрани невредимо всероссийскую паству, юже во святительстве твоем добре упасл еси. Архиереем и пресвитером у Господа испроси мудростъ, во еже право правити слово Божественныя истины, жертвенную любовь и ревностъ о спасении, да не погибнет ни един от паствы их; иночествующих в подвизех укрепи, в мире живущим истинный и потребньй им, иже во Христе Иисусе образ жительствования покажи; веру нашу укрепи, любви нелицемерней друг ко другу научи, в надежде на милосердие Божие утверди. Еще же молим тя, святителю, испроси нам у Всемилостиваго Бога духа разума и премудрости, да украсимся истинным боговедением спасительных писаний святых отец и мудростию их творений. Ей, святителю Божий, о мире всего мира Господа умоли, страну нашу твоим предстательством в мире и безмятежии соблюди; вся люди отечества нашего в добрем расположении друг ко другу сохрани и чужды междоусобных нестроений покажи; вся грады и веси добре сохрани, святую веру в людех непорочну соблюди. Буди всем нам скорый помощник в нуждах наших, да тобою окормляеми, мирно и благочестно поживем в жизни сей, да сподобимся и вечных благ восприятия на Небеси, славяще и превозносяще Отца и Сына и Святаго Духа и твое милостивное о нас предстательство во веки веков. Аминь.
Помолимся в этот день Праведному Иосифу Обручнику, Давиду царю и Иакову, брату Господню
Тропарь, глас 2
Благовествуй, Иосифе,/ Давиду чудеса Богоотцу,/ Деву видел еси рождшую,/ с пастырьми славословил еси,/ с волсви поклонился еси,/ Ангелом весть прием;/ моли Христа Бога// спасти души наша.
Кондак, глас 3
Веселия днесь Давид исполняется Божественный,/ Иосиф же хваление со Иаковом приносит,/ венец бо сродством Христовым приемше,/ радуются и неизреченно на земли Рождшагося воспевают, и вопиют:// Щедре, спасай Тебе чтущия.
Молитва
О, великий, богоизбранный и богопрославленный апостоле Иакове, брате Господень, великий архиерею святаго града Иерусалима, теплый наш заступниче и ходатаю, предстояй престолу Пресвятыя Троицы! Не отрини нас от твоего заступления, воздвигни из глубины греховныя и, яко имеяй власть вязати и решити, разреши зол наших соузы, любви Божией причти и Царствия Небеснаго причастники молитвами твоими соделай. Моли, святе, Христа Спаса, да сподобит непреткновенно совершати наше земное странствие, да, вечныя и блаженныя жизни на Небеси сподобившеся, вкупе с тобою возможем непрестанно славити Троицу Нераздельную и воспевати едино Божество Отца и Сына и Духа Святаго во веки веков. Аминь.
Величание
Величаем тя,/ апостоле Христов Иакове,/ и чтим болезни и труды твоя, имиже трудился еси// во благовести Христове.
День памяти Мученице Анисии Солунской (Фессалоникийской)
Тропарь, глас 4
Агница Твоя, Иисусе, Анисия,/ зовет велиим гласом:/ Тебе, Женише мой, люблю,/ и Тебе ищущи страдальчествую,/ и сраспинаюся и спогребаюся крещению Твоему,/ и стражду Тебе ради,/ яко да царствую в Тебе, и умираю за Тя,/ да и живу с Тобою,/ но яко жертву непорочную приими мя с любовию пожершуюся Тебе./ Тоя молитвами,// яко милостив, спаси души наша.
Кондак, глас 4
Наста светоносный день чудесных подвиг твоих, страстотерпице преславная,/ днесь Божия честная Церковь празднует и созывает вопити тебе:// радуйся, дево мученице Анисие всеблаженная.
Наш канал на Телеграмм "Тропинка к Храму" https://t.me/TropinkakXramu
Всем, дорогие братья и сестры, крепкого здоровья, душевного тепла любви и веры с помощью Божией и всех заступников наших небесных
Храни вас Господь !