Балтас районында инвестиция проекттары тормошҡа ашырыла

Балтас районында «Туризм һәм ҡунаҡсыллыҡ индустрияһы» милли проекты сиктәрендә дөйөм номер фонды 11 берәмек тәшкил иткән модулле капиталь булмаған урынлаштырыу сараларын булдырыу буйынса ике инвестиция проекты тормошҡа ашырыла. - «Туризм һәм ҡунаҡсыллыҡ индустрияһы» милли проектын тормошҡа ашырыу Башҡортостан Республикаһында туристик инфраструктураны әүҙем үҫтереүгә булышлыҡ итә һәм бизнесмендарыбыҙҙың үҙ идеяларын тормошҡа ашырыу өсөн стимул булып тора. 2023-2024 йылдарҙа модулле капиталь булмаған урынлаштырыу сараларын булдырыу буйынса инвестиция проекттарына дәүләт ярҙамы сиктәрендә 52 эшҡыуарға 738,3 миллион һум күләмендә субсидия бирелгән, - тип аңлатма бирҙе Башҡортостан Республикаһының эшҡыуарлыҡ һәм туризм министры Зөһрә Гордиенко. Модулле капиталь булмаған урынлаштырыу сараларын булдырыуға конкурс һөҙөмтәләре буйынса шәхси эшҡыуарҙар Сәхипова Л.В. һәм Хәйруллин Л.М. 2023-2024 йылдарҙа дөйөм 16,8 миллион һум күләмендә субсидия алған. Проекттарҙы тормошҡа ашырыу өсөн инвесторҙар 36,6 миллион һум күләмендә үҙенең аҡсаһын һалған. Заманса модулле йорттар туристарға уңайлылыҡ һәм функциялылыҡтың үҙенсәлекле берләшеүен тәҡдим итә. Мәҫәлән, кухня зонаһы заманса талаптарҙы иҫәпкә алып ойошторолған һәм кәрәкле техника менән йыһазландырылған, санитар блок уңайлылыҡ тәьмин итә, ә мангал зонаһы саф һауала ваҡытты күңелле уҙғарыу өсөн атмосфера тыуҙыра. Был сараларҙың барыһы ла “Демография” һәм “Туризм һәм ҡунаҡсыллыҡ индустрияһы” милли проекттары (национальные проекты "Демография" и "Туризм и индустрия гостеприимства") сиктәрендә ойошторолған. Был саралар ил Президенты Владимир Путиндың май указдарына ярашлы алып барыла. Белешмә өсөн: «Туризм һәм ҡунаҡсыллыҡ индустрияһы» милли проекты сиктәрендә 2023-2024 йылдарҙа сараларҙы финанслау күләме 1,8 миллиард һум тәшкил иткән. Ошо осорҙа туризм тармағында 170 инвестиция проектына грант ярҙамы күрһәтелгән, модулле капиталь булмаған урынлаштырыу сараларында 459 номер һәм кемпингтарҙа 171 номер файҙаланыуға тапшырылған, Өфө ҡалаһының туристик коды булдырылған, 40 мең самаһы уҡыусы «Мәктәп туризмы» проектында ҡатнашҡан. Фото: БР Хөкүмәте сайтынан