Бенин Республикаһы беҙҙең етештереүселәрҙең тауарын һатып ала

Бенин Республикаһы Башҡортостандан ит продукцияһын даими һатып алыусыға әйләнде, тип хәбәр итә Россельхознадзорҙың Башҡортостан Рспубликаһы буйынса идаралығының матбуғат хеҙмәте. Респуликаның агросәнәғәт комплексы продукцияһын сит илгә “Халыҡ-ара кооперация һәм экспорт” милли проекты маҡсаттарына ярашлы оҙатыла. Мәләүездән күркә итенән ризыҡтар етештереүсе иң эре предприятие декабрь уртаһында Африканың Бенин дәүләтенә 27 тонна туңдырылған ярымфабрикаттар оҙатты. Мәләүез тауар етештереүсеһе экспорт сертификацияһын үтте һәм “Цербер” ФДИС-в экспортерҙар Реестрына индерелде. Тауары Санкт-Петербургҡа автомобиль транспорты менән оҙатыла һәм артабан Африкаға диңгеҙ транспорты менән ебәрелә. Шуны билдәләп үтергә кәрәк, 2024 йыл башынан Башҡортостан Респбликаһынан предприятие Бенин Республикаһына дөйөм ауырлығы 54 тоннаға тиң булған күркә итенән дүрт партия ярымфабрикаттар оҙатҡан. Башҡортостан аграрийҙары һәм ауыл хужалығы мал аҙығын экспортҡа сығарыу географияһын киңәйткән. Декабрҙә Көйөргәҙе районынан Европаға сираттағы 1771 тонна гранулланған көнбағыш ҡалдығы оҙатылды. Был күләм 25 тимер юл вагонын биләй. 10 ай эсендә Европа берлегенә 80 мең тоннанан ашыу мал аҙығы ебәрелгән. Был саралар Рәсәй Президенты Владимир Путиндың май указдары буйынса ҡабул ителгән “Халыҡ-ара кооперация һәм экспорт” милли проектын (национальный проект "Международная кооперация и экспорт") ғәмәлгә ашырырға булышлыҡ итә. Фото: Россельхознадзорҙың Башҡортостан Республикаһы буйынса идаралығының матбуғат хеҙмәте.