”Һаулыҡ һаҡлау” милли проектын (нацпроект “Здравоохранение”) тормошҡа ашырыу маҡсатында Башҡортостан Республикаһы Ҡырмыҫҡалы районының Арыҫлан ауылында фельдшер-акушерлыҡ пункты барлыҡҡа килде. Элек ул ауыл биләмәһе клубы бинаһында урылашҡан һәм заманса талаптарға тап килмәгән булған. Яңы ФАП-та пациенттарҙы ҡабул итеү, процедура, прививка яһау, персоналдар өсөн кабинет, санузел, килгән пациенттарға көтә торған бүлмә бар. "Бина һыу менән тәьмин итеү һәм канализация системаларына тоташтырылған, электр менән йылытыла, ә кабинеттар халыҡҡа медицина ярҙамы күрһәтеү өсөн бөтә кәрәкле ҡорамалдар һәм мебель менән йыһазландырылған", — ти Ҡырмыҫҡалы дауаханаһының баш табибы Феликс Сакаев. Яңы медицина учреждениеһында 404 кеше, шул иҫәптән 35 бала ярҙам ала аласаҡ. Бынан алда милли проект буйынса Башҡортостандың Асҡын районында тағы өс фельдшер-акушерлыҡ пункты асылды, Улар Упҡанкүл, Ҡарткиҫәк, Яңы Ҡара ауылдарында урынлашҡан. «Һаулыҡ Һаҡлау» милли проекты эшкә яраҡлы йәштәге халыҡтың үлем осра