Радий Хәбиров Кушнаренкола яугирҙәрҙең ата-әсәләре менән осрашты

9 ғинуарҙа Кушнаренко ауылында Башҡортостан Башлығы Радий Хәбиров Кушнаренко районынан һәләк булған махсус хәрби операцияла ҡатнашыусылар Сергей Ғизәтуллин, Илгиз Ғайсаров, Илвир Ғәлләмов, Фидан Хәбибов, Юлай Хәнәфин, Илнар Ғилмановтың ғаиләләре менән осрашты. Төбәк етәксеһе хәрби хеҙмәткәрҙәрҙең туғандарының һәм яҡындарының ауыр ҡайғыһын уртаҡлашты, шулай уҡ уларҙың ғаиләләренә генерал Шайморатов орденындарын тапшырҙы. – Яугирҙәр үҙ ғүмерҙәрен Тыуған ил өсөн бирҙе. Уларҙың һәр береһе үҙ бурысын аҙағына тиклем үтәне. Улар - ысын геройҙар, һәм беҙ улар хаҡында хәтерҙе һаҡлаясаҡбыҙ, – тип билдәләне Радий Хәбиров. – Һеҙ ысын ир-егеттәр, илһөйәрҙәр, Ватанды һаҡлаусылар тәрбиәләгәнһегеҙ. Улдарығыҙ өсөн ҙур рәхмәт. Беҙҙең төп бурыс – уларҙың хәтерен мәңгеләштереү һәм даими хәстәрлек күрһәтеү, уларҙың ғаиләләрен – яугирҙәрҙең ата-әсәләрен һәм балаларын хәстәрлек менән уратып алыу. Башҡортостан Башлығы һәләк булған яугирҙәрҙең ата-әсәләре өсөн Республика кардиология үҙәгендә һауыҡтырыу һәм реабилитациялау программаһы әҙерләнеүе хаҡында әйтеп китте. – Һеҙгә һаулығығыҙҙы хәстәрләү, ейәндәрегеҙҙе тәрбиәләүҙә ярҙам итеү мөһим, – тине Радий Хәбиров. – Муниципалитет хакимиәттәре һәләк булған яугирҙең ата-әсәләре, уларҙың ғаиләләре менән һәр ваҡыт бәйләнештә булырға, кәрәкле ярҙам күрһәтергә тейеш. Төбәк етәксеһе шулай уҡ Кушнаренко районында тыуып үҫкән ветерандар менән аралашты. Улар эшкә урынлашыуҙарын, ауылда уҙғарылған патриотик сараларҙа даими ҡатнашыуҙарын һөйләне һәм Радий Хәбировҡа алғы һыҙыҡта хәрби бурыс үтәгән яугирҙәргә шәхси иғтибар һәм ярҙам күрһәткәндәре өсөн рәхмәт әйтте. Фото: glavarb.ru.