Яңы йыл менән ҡотлауҙар килә

Рәсәй Федерацияһы Президенты Владимир Путин Башҡортостан Башлығы Радий Хәбиров адресына яҡынлашып килгән Яңы йыл менән ҡотлау ебәргән. Унда былай тиелгән: Хөрмәтле Радий Фәрит улы! Һеҙҙе Яңы йыл менән ҡотлайым! Был матур, барыбыҙ ҙа яратҡан байрам беҙҙе берләштерә, һәр өйҙә айырым, ғаиләгә хас йылы мөхит тыуҙыра, кешеләрҙә иң яҡты тойғолар уята. Һеҙгә һаулыҡ, билдәләнгән пландарығыҙҙың тормошҡа ашыуын һәм бөтәһе лә яҡшы булыуын теләйем. Владимир Путин. Рәсәй Хөкүмәте Рәйесе Михаил Мишустин да Яңы йыл ҡотлауы ебәргән. Унда былай тиелә: Хөрмәтле Радий Фәрит улы! Ысын күңелдән һеҙҙе Яңы йыл һәм Раштыуа менән ҡотлайым! Был яҡты һәм барыбыҙ ҙа яратҡан байрамдарҙы айырыуса тулҡынланып көтәбеҙ, йомғаҡ яһайбыҙ, өмөт менән киләсәк тураһында уйлайбыҙ, изге теләктәр теләйбеҙ. Үткән йыл тағы бер ҡат йәмғиәттең тупланыуы һәм үҙ-ара булышлыҡтың төрлө һынауҙарҙы еңергә, мөһим дәүләт бурыстарын хәл итергә, ҡоласлы проекттарҙы тормошҡа ашырырға ярҙам иткәнен иҫбатланы. Беҙ бергә илебеҙҙе көслөрәк итәбеҙ. Яҡынлашып килгән 2025 йыл бөтә ҡуйылған маҡсаттарға өлгәшергә һәм һеҙҙең хыялығыҙҙы тормошҡа ашырырға ярҙам итһен, яңы мөмкинлектәргә юл асһын! Һеҙгә һәм яҡындарығыҙға ныҡлы һаулыҡ, бәхет, именлек һәм ғаилә усағы йылыһы теләйем. Михаил Мишустин. Рәсәй Президентының Волга буйы федераль округында тулы хоҡуҡлы вәкиле Игорь Комаровтан да килде. Унда былай тиелә: Ҡәҙерле Волга буйы федераль округы халҡы, һеҙҙе Яңы йыл һәм Раштыуа менән ҡотлайым!Ҡыш етте, ә уның менән – иң изге байрамдар. Өмөт һәм шатлыҡ мәле. Ғаилә һәм дуҫтар менән аралашыу ваҡыты. Яҡындарыңа һөйөү һәм йылыңды бүләк итеү осоро. Тағы ла бер йыл тамамлана, һәм беҙ күп нимә эшләй алдыҡ. Беҙҙең илде бөгөн һаҡлаған һәм махсус хәрби операцияла ҡатнашҡан һәр кемгә рәхмәт. Һеҙ – ысын геройҙар, һәм тотош ил һеҙҙең менән. Ирекмәндәргә ярҙамдары өсөн рәхмәт. Оборона-сәнәғәт комплексында эшләүселәргә рәхмәт. Һеҙҙең хеҙмәтегеҙ бөгөн айырыуса мөһим һәм уға ихтыяж ҙур. Сәнәғәтселәргә, аграрийҙарға, бизнесмендарға, ғалимдарға, уҡытыусыларға рәхмәт белдерәм. Ҙур илебеҙ хаҡына көн һайын хеҙмәт иткәндәрҙең бөтәһенә лә. Волга буйы федераль округының 14 төбәгендә эшләгән һәр кемгә рәхмәт. Әлбиттә, махсус хәрби операцияла ҡатнашҡандарҙың яҡындарына айырыуса ҙур рәхмәт. Һеҙҙең еңеүгә, бөгөн ғүмерҙәрен хәүеф аҫтына ҡуйған улдарығыҙға, ағайҙарығыҙ һәм атайҙарығыҙға ышанысығыҙ мотлаҡ беҙҙең барыбыҙға ла көтөп алған еңеүҙе килтерәсәк. Дуҫтар! Үткән йылдағы беҙҙең берҙәмлек һәм үҙ-ара ярҙамсыллыҡ, дөйөм маҡсатҡа ынтылыш, намыҫлы һәм тырыш хеҙмәт – дөйөм киләсәктең ныҡлы нигеҙе. Бөтәгеҙгә лә шатлыҡ һәм уңыштар, изгелек, ысын дуҫлыҡ һәм йылылыҡ теләйем!Яҡынлашып килеүсе 2025 йыл һәм Раштыуа байрамы менән! Бөтәһе лә яҡшы булһын! Игорь Комаров.