Әлбиттә, ул өйрәтмәһә, белмәй инек шул, тиер кемдер. Ысынлап та, тултырылған ҡаҙ бешереүҙең бер ауырлығы ла юҡ, ҡаҙың ғына булһын. Әммә Гүзәлдең, элеккерәк булһа ла, шәп фотоһы янынан үтеп китеп булмай - үҙе лә, ҡаҙы ла матур бит! Шулай итеп... Башта ҡаҙҙы 10-12 сәғәт тоҙло һыуҙа (10 литр һыуға 1,5 килограмм тоҙ кәрәк) тотабыҙ. Шунан аджика, майонез, һарымһаҡ, тоҙ, борос ҡушылған ҡатнашма менән ҡаҙҙың эсен-тышын яҡшылап һылайбыҙ. Алманы дүрт өлөшкә бүлеп, әрселгән картуфты эре итеп турап, бер нисә ҡара емеште ҡаҙҙың эсенә тултырабыҙ. Эслек ағып сыҡмаһын өсөн, ҡаҙҙың аяҡтарын бергә еп менән бәйләйбеҙ. Еңсәгә (рукав) тығып, духовкала ике сәғәткә яҡын бешерәбеҙ. Аштарығыҙ тәмле булһын! Сығанаҡ: https://vk.com/sovet1001receipt