Инновацион радиоэлектроника һәм оптоинформатика лабораторияһы Өфө фән һәм технологиялар университеты телекоммуникация системалары кафедраһы ғалимдары тарафынан “НПП Полигон” Акционерҙар йәмғиәтенең индустриаль предприятиеһы менән партнерлыҡта булдырыла. Лабораторияла антенна ҡоролмаларын һәм сымһыҙ бәйләнештең СВЧ-тракт элементтарын эшләү һәм оптималләштереү, шулай уҡ видеокүҙәтеү системаларын һәм селтәрҙәрен, оптик элемтә һәм оптик мәғлүмәт эшкәртеү ҡоролмаларын тикшереү һәм камиллаштырыу, һүрәттәрҙе эшкәртеүҙең интеллектуаль алгоритмдарын эшләү һәм ҡулланыу планлаштырыла. «Иретеп йәбештереүҙең производсто технологиялары һәм инжиниринг» лабораторияһы Евразия Фәнни-белем биреү үҙәге эшмәкәрлеге программаһының «Авиакосмос техникаһы өсөн һанлы производство технологиялары» технологик проектын тормошҡа ашырыу өсөн тәғәйенләнгән. Бында роботлаштырылған иретеп йәбештереү, ышҡылыу ярҙамында иретеп йәбештереү, иретеү, WAAM-үҫтереү һәм трансфер-технологиялар кеүек фәнни продукттар әҙерләнәсәк.