“Һаулыҡ һаҡлау” милли проектының тәүге звеноны яңыртыу программаһына ярашлы, Малаяҙ дауаханаһының автомобиль паркы быйыл август айында яңы биш “Лада Гранта” машинаһы менән тулыланды. Уңайлы автомобилдәр кисектергеһеҙ һәм планлы саҡырыуҙарҙы хеҙмәтләндереү өсөн тәғәйенләнгән, шулай уҡ биологик материалдарҙы тикшереүгә илтеү һәм дарыу препараттарын алып барыу өсөн дә файҙаланыла. Дүрт ай эсендә автомобилдәрҙә 1400-ҙән ашыу саҡырыу үтәлгән. Автомобилдәр һынауҙы лайыҡлы.үтте. Автомобилдәрҙә кондиционер, хәүефһеҙлек мендәре бар, алғы ултырғыстар йылытыла. –Һаулыҡ һаҡлауҙың тәүге звеноһын яңыртыу программаһына ярашлы, табиптарҙың һәм шәфҡәт туташтарының эшмәкәрлеген яҡшыртыу өсөн уңайлы шарттар тыуҙырыла. Был, әлбиттә, алыҫ ауылдарҙа йәшәүсе халыҡҡа медицина ярҙамы күрһәтеү сифатын арттырыуға булыша, – тине Малаяҙ дауаханаһының баш табибы Рудольф Фәхретдинов. Рәсәй Президенты Владимир Путиндың “май “ указдарына ярашлы, 2024 йылға ил үҫешенең төп маҡсаттарына өлгәшергә кәрәк. Шуларҙың араһында халыҡ һанын арттырыу, граждандарҙың тормош сифатын яҡшыртыу, иҡтисадҡа һәм социаль өлкәгә һанлы технологияларҙы индереү мөһим бурыстарҙың береһе булып тора.”Һаулыҡ һаҡлау” милли проектының (национальный проект “Здравоохранение) төп маҡсаты – хеҙмәткә һәләтле йәштәге халыҡтың үлем күрһәткестәрен, ҡан әйләнеше сирҙәренән, яман шештәрҙән үлем осраҡтарын кәметеү, инновацион медицина технологияларын индереү, шул иҫәптән пациенттар сәләмәтлеген иртә диагностикалау һәм дистанциянан тороп мониторинг үткәреү алымдарын ҡулланыу. Һаулыҡ һаҡлауҙың тәүге звеноһын яңыртыу программаһы маҡсаты – сифатлы һәм һәр кем файҙаланырлыҡ медицина ярҙамы күрһәтеү, шул иҫәптән төпкөлдә, бәләкәй тораҡтарҙа йәшәгән халыҡ өсөн. Фото: Һаулыҡ һаҡлау министрлығының матбуғат хеҙмәте.