Аксана Маліноўская прайшла ў фінал
У фінал VI фестывалю творчасці людзей з інваліднасцю "Снежаньскі карагод" прайшла жыхарка Грозаўскага пансіяната "Ліпавы рай" Аксана Маліноўская з песняй "Неба маё". Фіналістка ўзнагароджана дыпломам і каштоўнымі падарункамі. Акрамя гэтага, дыпломам за ўдзел у конкурсе ўзнагароджаны яшчэ адзін удзельнік з пансіяната Юрый Шкут.
Павышаюць дэмаграфію
Насельніцтва Грозаўскага сельсавета павялічваецца. Так, зусім нядаўна ў дзвюх шматдзетных сем’ях нарадзілася Юлія, якая стала сёмай у сям’і, і маленькі Міша – трэцім.
Чытанне развівае і выхоўвае
Для выхаванцаў Грозаўскага дзіцячага сада бібліятэкар мясцовай сельскай бібліятэкі Таццяна Нераненя правяла гадзіну духоўнага чытання "Кнігі, якія выхоўваюць характар". Бібліятэкар адзначыла, што чытанне – гэта ўнікальны занятак, які развівае і выхоўвае, застаўляе думаць і ўяўляць, а сумеснае чытанне дзяцей і бацькоў збліжае і аб’ядноўвае.
#Елка_в_моей_школе
Пад такой назвай онлайн-фотачэлендж аб’яднаў вучняў Грозаўскай сярэдняй школы. Для ўдзелу ў гульні неабходна было размясціць фатаздымак школьнай ёлкі ў сваім акаўнце Інстаграм або УКантакце з хэштэгам #Елка_в_моей_школе. Таксама вучні і настаўнікі прымаюць актыўны ўдзел у рэспубліканскай дабрачыннай акцыі "Цуды на Каляды".
Как живет Грозовский сельсовет
