Հաջորդ շաբաթ ընդդիմադիր «Հայաստան» դաշինքը ՀՀ երկրորդ նախագահ Ռոբերտ Քոչարյանի գլխավորությամբ հավաք է անցկացնելու, հայտնել է «Ժողովուրդ» օրաթերթը։
Ըստ թերթի՝ դա կլինի դաշինքի այս տարվա վերջին հավաք-քննարկումը:
Տեղեկությունը թերթին հաստատել է ԱԺ «Հայաստան» խմբակցության ղեկավար Սեյրան Օհանյանը՝ նշելով, որ ամեն տարվա ավարտին հավաքվում են, Քոչարյանի հետ ամփոփում տարին ու քննարկում առաջիկա անելիքները թե՛ խորհրդարանում, թե՛ փողոցային պայքարի վերաբերյալ:
Նոյեմբերի 7-ին «Հրապարակ» թերթը, վկայակոչելով պատգամավոր Ագնեսսա Համոյանին, գրել էր, որ Քոչարյանը իր գլխավորած դաշինքի պատգամավորների հետ քննարկել է ներքաղաքական հարցեր, հնարավոր աշխարհաքաղաքական զարգացումները և դրանց ազդեցությունը տարածաշրջանի և Հայաստանի վրա։
Նորություններին հետևեք մեր կայքում, ինչպես նաև Telegram-ում և YouTube-ում