Ալիևը բացահայտել է խաղաղության պայմանագրի այն դրույթների բովանդակությունը, որոնք չեն համաձայնեցվել Երևանի և Բաքվի միջև։ Այս մասին Ալիևն խոսել է «ՌԻԱ Նովոստինն» և ВГТРК-ին տված հարցազրույցում։
Ըստ Ադրբեջանի նախագահի՝ մնում է համաձայնեցնել պայմանագրի՝ Միջազգային դատարաններում կողմերի փոխադարձ պահանջներից հրաժարվելու և Հայաստանի ու Ադրբեջանի սահմանին երրորդ երկրների ներկայացուցիչների տեղակայման արգելքի դրույթները։
Նա հավելել է, որ ՀՀ վարչապետ Նիկոլ Փաշինյանի հետ Կազանում հոկտեմբերի 24-ին կայացածհանդիպման ժամանակ զգացել է, որ Հայաստանը պատրաստ է համաձայնության գալ ադրբեջանական կողմի նախաձեռնությամբ։
Միջազգային իրավական հարցերով Հայաստանի ներկայացուցիչ Եղիշե Կիրակոսյանըհայտարարել էր, որ Երևանը չունի միջազգային ատյաններում Ադրբեջանի դեմ ներկայացված հայցերը հետ վերցնելու որոշում, նա շարունակում է համապատասխան ընթացակարգերով պահանջվող քայլերը՝ դրանց քննարկումն ապահովելու համար, եզրափակել է Կիրակոսյանը։
Նոյեմբերի 23-ին Փաշինյանը հայտարարել էր, որ եթե Բաքվի հետ խաղաղության պայմանագիր կնքվի, Երևանը պատրաստ է փոխադարձության սկզբունքով հրաժարվել Ադրբեջանի դեմ միջազգային պահանջներից։
Նորություններին հետևեք մեր կայքում, ինչպես նաև Telegram-ում և YouTube-ում